Një shpërthim me tritol ka ndodhur pak pas mesnatës në Tiranë. Ngjarja ka ndodhur në derën e jashtme të një dyqani kozmetik, në rrugën “Sami Frashëri” afër sheshit “Wilson”.
Si pasojë e shpërthimit janë shkaktuar vetëm dëme materiale.
Policia ka dalë me një njoftim zyrtar pas shpërthimit me tritol, në një biznes. Uniformat blu njoftojnë se lënda plasëse është vendosur në biznesin në pronësi të shtetases me inicialet E.P. Grupi hetimor po punon për zbardhjen e rrethanave të ngjarjes, dhe identifikimin e kapjen e autorit.
Njoftimi i policisë
Më datë 19.10.2022, rreth orës 00:15, në rrugën “Sami Frashëri”, në dyqanin kozmetik të shtetases E. P., dyshohet se ka shpërthyer një sasi lëndë plasëse. Si pasojë ka vetëm dëme materiale. Grupi hetimor po punon për zbardhjen e rrethanave të ngjarjes dhe identifikimin e kapjen e autorit.
