Fituesi i Kupës së Botës, Iker Casillas është shtuar me urgjencë në spital, pasi ka pësuar një atak kardiak gjatë stërvitjes. Portieri i kombëtares spanjolle, që tashmë luan për Porton dhe që u formua dhe mbrojti portën e Real Madridit për shumë vite është dërguar me urgjencë në spital.
Sipas mediave portugeze, Casillas tashmë është stabilizuar nga mjekët dhe ndodhet jashtë rrezikut për jetën, por vazhdon të jetë nën kujdes intensiv.
37-vjeçari është një nga portierët më të suksesshëm në historinë e futbollit. Ka lindur në Mostoles, Spanjë dhe regjistron mbi 1000 ndeshje në karrierë si profesionist. Po ashtu Casillas ka fituar çdo trofe të mundshëm në karrierë, si në rang klubesh, po ashtu edhe me kombëtaren, ku në 2010-ën u shpall kampion bote në Botërorin e Afrikës me Spanjën.
Casillas mban edhe rekordin në kombëtare, ku është lojtari me më shumë paraqitje, 167 të tilla. Ai është nominuar tre herë për të fituar “Topin e Artë”, po ashtu në karrierë ka fituar edhe tre herë Champions Leaguen me Real Madridin.
