Opozita e bashkuar ka vendosur të paralizojë akset kryesore të rrugëve në 12 qarqe të vendit ditën e nesërme.
Sipas kreut demokrat, Lulzim Basha, kjo formë proteste është përshkallëzim i aksionit opozitar dhe mosbindje civile, ndërsa vendimi është marrë pas takimit që Basha zhvillojë me aleatët e tij.
Kujtojmë që disa ditë më parë opozita bllokoi 5 akset kryesore kombëtare për një orë, ndryshe nga protestat e kaluara, ku protestuesit kanë qëndruar para Kryeministrisë apo Parlamentit.
Akset që do të bllokohen:
1. Qarku Kukes – Ura e Drinit ne hyrje Rruges Kombit.
2. Qarku Shkoder- Rruga Shkoder-Koplik
3. Qarku Lezhe – Mbikalimi Milot
4. Qarku Diber- Ura ne kryqezimin Burrel – Rreshen- Klos.
5. Qarku Durres- Plepa, ne hyrje te Autostrades
6. Qarku Tirane- Sheshi Shqiponja
7. Qarku Elbasan – Mbikalimi Bradashesh
8. Qarku Korçe – Hyrja, rruga nacionale e Korçes.
9. Qarku Gjirokaster- kryqezimi i Rruges Permet-Tepelene – Gjirokaster .
10. Qarku Fier- Rruga nacionale tek Ura Mbrostar.
11. Qarku Berat ne Ura Vajgurore, aksi Berat – Ura Vajgurore.
12. Qarku Vlore- Hyrja e superstrades Vlore- Levan.
