Në konferencën e përbashkët të zhvilluar në Ohër në kuadër të Samitit “Ballkani i Hapur”, presidenti serb Aleksandar Vuçiç falenderoi kryeministrin Edi Rama për mbështetjen e kësaj nisme. Presidenti i Serbisë tha se kryeministri Rama ka luajtur një rol të rëndësishëm, që kjo nismë të funksionojë. Sipas tij, Rama ka treguar fuqi të madhe lideri, pasi nisma “Ballkani i Hapur” ka pasur gjatë rrugëtimit të saj presione të shumta. Vuçiç shtoi se pa Ramën, kjo iniciativë nuk do të mund të mbijetonte.
“Në javën e ardhshme do të kemi video-konferencë, që të vijojmë përgatitjet tona dhe të arrijmë të sigurojmë gjetjet më të mira për të ndihmuar njëri tjetrin. Të bashkëpunojmë dhe të gjejmë zgjidhje që njerëzit të jetojnë më mirë. Rezultatet nuk mund të jepen menjëherë, por do ti shohim çdo ditë. Ne do të luftojmë për një jetë më të mire, për të gjitha qytetarëve tonë dhe të ulim të gjitha procedura burokratike. Sot kemi arritur shumë në raportet, si të këmbimeve tregtare por edhe ne nga Serbia, asgjë nuk kërkojmë as nga Maqedonia, vetëm dëshirojmë të kemi marrëdhënie miqësore. Dhe falenderoj Ramën se edhe ku kemi qenë në presion nga anë të ndryshme dhe kur është dashur të heqë dorë nga “Open Balkan”, ka treguar fuqi të madhe të liderit. Si kryetari i Serbisë, i kam borxh një falenderim të madh se pa fuqinë e tij “Ballkani i Hapur” nuk mund të mbijetonte”, tha ai.
