Ish-presidenti Bujar Nishani shprehet se degradimi i institucioneve që veprojnë në Shqipëria e kanë çuar vendin në një krizë të madhe. Sipas tij, vendi asnjëherë nuk është përballur me këtë gjendje ku ndodhet sot.
Në një intervistë dhënë për “Kosovapress”, Nishani ka deklaruar se çdo nënvlerësim nga ana e palëve politike mund të sjellë situata të rrezikshme, ndërsa shton se pikërisht kjo klasë politike është duke vënë në rrezik edhe integrimin e Shqipërisë.
Teksa fajëson qeverinë e Ramës për situatën që po kalon vendi, ish-presidenti kërkon që zgjidhja e krizës të merret më me seriozitet, pasi sipas tij çdo neglizhencë mund të sjell një përplasje mes qytetarëve dhe politikës.
