Afrika e Jugut është përfshirë në një kaos të vërtetë pas arrestimit dhe dënimit të ish-Presidentit Jacob Zuma, teksa mijëra qytetarë kanë dalë në rrugë duke protestuar, por ka edhe ka ata të cilët kanë plaçitur dhe janë konfrontuar me punonjësit e policisë.
Deri më tani, raportohet për 72 viktima si pasojë e këtyre trazirave. Mendohet se kjo situatë e rëndë, është shkaktuar nga mbështetësit e ish-Presidentit Zuma.
Ndërkohë, media prestigjoze britanike, BBC filmoi momentin kur një grua hodhi foshnjën e saj nga një ndërtesë në qytetin Durban, që po digjej pasi dyqanet në katin e parë ishin plaçkitur. Një grup personash u ndodhën poshtë pallatit, për të kapur dhe shpëtuar foshnjën.
Policia e Afrikës së Jugut tha në një deklaratë se kishte identifikuar 12 persona të dyshuar për provokimin e trazirave dhe se një total prej 1,234 njerëz ishin arrestuar.
Ish-Presidenti i Afrikës së Jugut, Jacob Zuma është dënuar me 15 muaj burg nga gjykata më e lartë e vendit.Dënimi vjen pasi Gjykata Kushtetuese e shpalli atë fajtor për kundërshtimin e urdhrit të saj për t’u paraqitur në një hetim për korrupsionin ndërsa ishte president.
Ai po shpreson të heqë ose ulë dënimin nga gjykata kushtetuese e vendit. Sidoqoftë, ekspertët ligjorë thonë se shanset e tij për sukses janë të pakta.
