E hënë, 20 Shtator, 2021
28.5 C
Tirana

Arrestimet në Lushnje, ”Gjykata e Prokurimeve” i dha ”ok” Fatos Tushes

Komisioni i Prokurimit Publik (KPP), ka luajtur një rol vendimtar në finalizimin e aferës kurruptive me tenderin e kanalit të ujit me vlerë prej  24 milion lekësh, ku ishin të përfshirë ish-kryebashkiaku i Lushnjes Fatos Tushe dhe biznesmeni Bujar Murati.

Ky institucion, që është edhe gjykata e tenderave në vendin tonë, ka rrëzuar të gjitha kërkesat në lidhje me këtë tender, edhe pse gara për të nuk ishte e drejtë. Sipas vendimit të dhënë nga Komisioni i Prokurimit Publik më datë 9 tetor të vitit 2020, palët të cilët kanë bërë ankimimin, duhet të jenë dëmtuar realisht, apo rrezikojnë të dëmtohen nga vendimi që ka marrë autoriteti kontraktor.

Në vendim, thuhet se në rastin kur operatori ekonomnik ankimues, edhe pas ankimit në Komisionin e Prokurimit Publik rezulton sërish i skualifikuar, atëherë nuk mund ta fitojë kontratën e tenderit. Ky vendim i KPP, erdhi pas ankesave të kompanive “Avduli” dhe “Bahas”, të cilat denoncuan falsifikimin e dokumenteve nga kompania fituese e Bujar Muratit, i arrestuar edhe në vitin 2009 për tenderin e uniformave të policisë.

Dy kompanitë ankuese ishin skualifikuar nga ky tender, sipas tyre në mënyrë të padrejtë, edhe pse kishin paraqitur një ofertë me vlerë 60 mijë USD më të ulët se sa kompania “Euro-Alb” e Bujar Muratit.

Edhe nëse do të pranohej ankesa e kompanive “Avduli” dhe “Bahas” për skualifkimin e kompanisë EURO-ALB, sërish dy kompanitë ankuese nuk do të ishin fituese të këtij tenderi. Në rrjedhë të këtij arsyetimi, KPP ka rrëzuar ankesën.

“Komisioni i Prokurimit Publik gjykon se një person fizik apo juridik, kur dorëzon një ankim, duhet të argumentojë se të drejtat e tij të mbrojtura nga legjislacioni janë dëmtuar si rezultat i një vendimi, mase apo të ndonjë veprimi tjetër zyrtar nga ana e një autoriteti kontraktor. Nëse ai dështon në sa më sipër, atëherë ankimi në KPP nuk mund të pranohet. Neni 63, pika 1 kërkon shprehimisht që operatori ekonomik ankimues, jo vetëm që duhet të ketë interes, por edhe të jetë dëmtuar realisht apo të rrezikohet të dëmtohet nga vendimi që ka marrë autoriteti kontraktor. Në ato raste kur, operatori ekonomik ankimues edhe pas ankimit në KPP rezulton i skualifikuar nga procedura e prokurimit, atëherë ai qartësisht nuk mund ta fitojë kontratën. Edhe në hipotezën se, pretendimet e parashtruara në ankimin e tij në lidhje me operatorët e tjerë pjesëmarrës në procedurën e prokurimit, do të pranohen nga KPP, ankimuesi sërish nuk do të ishte fitues i kontratës. Rrjedhimisht, në rast se operatori ekonomik që ka paraqitur ankimin vijon të mbetet i skualifikuar apo skualifikohet gjatë shqyrtimit në KPP, në kuptim të ligjit, interesi i tij i ligjshëm i drejtpërdrejtë nuk ka sesi të dëmtohet nga suksesi apo dështimi i operatorëve të tjerë në atë procedurë prokurimi. Për këtë arsye, këto pretendime nuk do të merren në shqyrtim”, thuhet në vendimin e Komisionit të Prokurimit Publik.

- Reklama -

Më shumë nga kategoria




Të fundit

Reciprociteti për targat e Serbisë, BE thirrje palëve

Nga sot, Policia e Kosovës ka hequr targat e mjeteve që hyjnë nga Serbia, duke aplikuar masa reciprociteti. Kujtojmë këtu se Kosova kishte paralajmëruar...

Tashmë ka një datë, ja kur do martohet Rudina Dembacaj me Mark Frrokun

Aktorja e njohur e humorit, Rudina Dembacaj, pas shumë aludimesh për një dasmë të mundshme me Mark Frrokun, tashmë ka zbuluar çdo gjë. Një ftesë...

Serbët bllokojnë rrugën, pas vendimit të Kosovës për reciprocitetin e targave

Mëngjesin e sotëm, në pikat kufitare policia e Kosovës u ka hequr targat të gjitha makinave nga Serbia, dhe i ka pajisur me targa...

Reciprociteti i targave/Kurti: S’ka për qëllim destabilizimin

Kryeministri i Kosovës, Albin Kurti, ka folur nga Kuvendi për reciprocitetin e vendosur për targat e automjeteve. Gjatë seancës së sotme parlamentare, Kurti theksoi...

Shërbimet sekrete zbulojnë planin/ Parandalohet ekzekutimi i Zoran Zaev

Shërbimet sekrete greke dhe qeveria parandaluan një atentat ndaj kryeministrit të Maqedonisë së Veriut, Zoran Zaev, disa muaj pas nënshkrimit të Marrëveshjes së Prespës...