Burrë e grua u arrestuan në Itali teksa po transportonin një sasi të konsiderueshme kokaine në makinën e tyre. Sipas mediave italiane çifti shqiptarë u ndalua në autostradë në Scandiçi, ku të dy personat shfaqën shenja nervozizmi gjatë kontrollit rutinë.
Ka qenë qeni antidrogë ai që ka zbuluar sasinë e 15 kilogramëve kokainë të fshehur në makinë. Çifti shqiptarë e kishin fshehur sasinë e drogës në motorin e makinës, policia ka proceduar menjëherë më arrestimin e tyre.
Autoritetet italiane bënë të ditur se vlera e kokainës do të arrinte në 1 milion Euro po të dilte në tregun e pakicës. Mediat italiane nuk i kanë bërë akoma të ditur emrat e çiftit trafikant, por po vijon me hetimet.
