Rëndohet bilanci i tërmetit apokaliptik. Ka shkuar në 8 numri i viktimave nga tërmeti i fuqishëm që goditi vendin. Dy persona të pajetë dyshohet se ndodhen nën rrënojat e një hoteli të shembur në zonën e Golemit.
Tre persona humbën jetën si pasojë e shembjes së një pallati në Durrës, ku një prej tyre është një vajzë e mitur.
Dy persona të tjerë kanë humbur jetën në Thumanë, ku një pallat është shembur. Ndërsa një person humbi jetën, pasi ra nga ballkoni teksa vijonin lëkundjet.
Tërmeti më i fuqishëm ishte me magnitutë 6.4, ndërsa me dhjetëra tërmete të tjera pasuan me magnitudë deri në 5.4.
