Një vrasje e katërfishtë ka ndodhur mbrëmjen e sotme në fshatin Pozhoran të Virtisë.
Mediat në Kosovë, raportojnë se bashkëshorti ka vrarë fillimisht bashkëshorten, dy djemtë e tyre dhe më pas ka vrarë edhe veten.
Prokuroria Themelore në Gjilan ka njoftuar se vrasja ka ndodhur rreth orës 18:00, motivet e së cilës për momentin ende nuk dihen.
“Sipas informatave fillestare, dyshohet se personi me inicialet F.Z., me armë zjarri ka privuar nga jeta bashkëshorten e tij, të ndjerën M.Z. dhe dy fëmijët e tij, të ndjerët H.Z. dhe A.Z., ndërsa në fund ka kryer vetëvrasje”, thuhet në komunikatë.
Sipas informacioneve paraprake mësohet se familja sapo kishte ardhur nga Zvicra për pushime në Kosovë.
Policia e Kosovës ndodhet në vendngjarje dhe po punon për zbardhjen e plotë të ngjarjes së rëndë.
