Ministri i Shëndetësisë në Maqedoni, Venko Filipçe, ka njoftuar dorëheqjen e tij si përgjegjësi morale, për ngjarjen tragjike në Tetovë.
Filipçe ka deklaruar se tragjedia në Tetovë e ka prekur shumë, dhe e ndjen të nevojshme që të largohet nga posti i Ministrit të Shëndetësisë.
“Tragjedia fundit në Tetovë me ka prekur shumë, me vjen keq për viktimat, ngushëllime për familjet e tyre. Nuk kam fjalë ta përshkruaj këtë dhe s’ka mënyra për kompensim”, tha Filipçe.
Përpos tij, nga postet e tyre u larguan edhe zv.ministri i Shëndetësisë Ilir Hasani, dhe dy drejtorët e Spitalit Klinik të Tetovës, Florin Besimi dhe Artan Etemi.
Mbrëmjen e së mërkurës, në spitalin e Tetovës humbën jetën 14 pacientë të shtruar me Covid-19, pasi spitali u përfshi nga flakët. Asnjë person nuk është vënë ende para përgjegjësisë për ngjarjen.
