Një krim i rëndë në familje ka tronditur sot komunitetin shqiptar në rajonin e Friulli Venezia Giulia. Një shqiptar ka sulmuar me thikë kuzhine gruan e tij 30-vjeçare duke e lënë të vdekur.
Ngjarje mësohet se ka ndodhur në sy të fëmijës së tyre 8-vjeçar.
Viktima, Migena Këllezi është vrarë gjatë ditës së sotme nga bashkëshorti i saj Dritan Sulollari. Ngjarja ka ndodhur në banesën e tyre në komuën Grasica në provincën e Goricas.
Sipas policisë italiane Dritan Sulollari e ka goditur bashkëshorten disa herë me thikë e plaga e marrë në fyt i ka shkaktuar vdekjen e menjëhershme. Çifti shqiptar jetonte prej vitesh në Itali e kishin marrë nënshtetësinë italiane. Bashkëshorti Dritan Sulollari aktualisht ishte i papunë.
Ai ka pranuar krimin dhe policia e ka arrestuar atë në shtëpi pranë trupit të viktimës. Në vendngjarje kishte arritur dhe stafi i kujdesit shëndetësor, por për fat të keq për gruan ishte tashmë tepër vonë.
Në momentin e krimit, në shtëpi, por me sa duket në një dhomë tjetër të shtëpisë, kishte qenë edhe djali tetë vjeçar i çiftit. Sipas Gradisca d’Isonzo, çifti kishte ardhur në vend rreth dy vjet më parë. Nga të gjeturat më të hershme do të kishte dalë që burri për disa muaj nuk punonte dhe ishte gruaja për të siguruar për ushqimin e familjes së tyre. Duket se mosmarrëveshjet mes bashkëshortëve ishin në shpeshta. Ai është arrestuar nga policia italiane me akuzën e vrasjes./Tirana Today/
