Një ngjarje e rëndë ka ndodhur mbrëmë në Itali në Servigliano, qytet i vogël i provincës Fermo. Banesa e një familjeje shqiptare nga Kosova është përfshirë nga flakët teksa familja ka qenë në gjumë.
Sipas të dhënave nga policia, çifti me baba kosovar dhe nënë bullgare jetonte me dy vajzat, njërën 5 vjeçe dhe tjetra 7 vjeçe. Pasi janë zgjuar nga era e fortë e tymit, nëna ka arritur të marrë vetëm njërën nga vajzat dhe ka dalë përjashta. Ngjarja është zhvilluar brenda pak çastesh.
Ajo është përpjekur të rikthehet sërish brenda për vajzën tjetër, por flakët e kanë bërë të pamundur. Si pasojë, vajza 7 vjeçare e familjes ka humbur jetën.
“Ne po flinim së bashku në të njëjtën shtrat – ka qenë dëshmia e gruas, e cila kujton në tronditje momentin. “Dhe, pasi vajza më e vogël u shpëtua, unë u ktheva për të marrë vajzën time tjetër. Kishte shumë tym, nuk më linte të merrte frymë dhe nxehtësia më dogji lëkurën. Pastaj, për fat të mirë, policia erdhi e para, pastaj zjarrfikëset, të cilët arritën ta nxjerrin fëmijën tim jashtë”, shkruajnë mediat shqiptare.
Pavarësisht përpjekjeve të mjekëve, vajza 7 vjeçare nuk ka arritur të mbijetojë. Ngjarja i është treguar më vonë familjareve për shkak të traumës së përjetuar.
