Djali i kryeministrit, Greg Rama, teksa ka shprehur ngushëllimet ndaj të gjithë viktimave të tërmetit, ka rrëfyer se një prej tyre e njihte personalisht. Nga katër pjesëtarë që kanë qenë nën rrënoja, vetëm dy trupa janë nxjerrë deri tani nga gërmadhat.
“Mes viktimave të shumta nga kjo fatkeqësi natyrore, edhe një njeriu im i afërt së bashku me vëllanë e saj, mamin dhe babin janë gjetur nën rrënoja. Vetëm dy trupa janë nxjerrë deri tani nga gërmadhat e asaj, që u shpall ditë zie kombëtare. Ngushëllimet e mia shkojnë për të gjithë viktimat e kësaj fatkeqësie”, shkruan djali i Edi Ramës.
Shqiptarët dje u zgjuan nga lëkundjet e tërmetit, që shkundën kryesisht Durrësin, por edhe Tiranën. Dëmet në banesa janë kolosale, e po kështu vendi vijon të lëkundet vazhdimisht.
Kujtojmë këtu faktin se e para që iu përgjigj thirrjeve për ndihmë të të prekurve nga tërmeti i fuqishëm i 26 nëntorit në Shqipëri ishte Kosova. Qeveria e saj nisi menjëherë trupa të specializuar për kërkim-shpëtimin e personave që ndodheshin nën gërmadha.
Deri më tani numërohen 31 viktima nga tërmeti me magnitudë 6.4 i shkallës Rihter, si dhe janë plagosur mbi 650 të tjerë.
