Një 42-vjeçar shqiptar i shpallur në kërkim ndërkombëtar është arrestuar mbrëmjen e djeshme në Itali.
Policia ndaloi mbrëmjen e djeshme në Pordenone për kontroll një BMË të zezë me targa italiane dhe me tre persona në bord.
Të tre shtetasit që gjendeshin në makinë ishin shqiptarë, por banues prej disa kohësh në Itali. Ata u dërguan në rajon për kontrolle të mëtejshme, ku u zbulua se njëri prej tyre ishte dënuar në Greqi për trafik ndërkombëtar të drogës.
42-vjeçari me iniciale A.A., lindur në Mirditë akuzohet se ka importuar nga shtatori 2018 deri në janar 2020, rreth 200 kilogramë kokainë. Transporti nga Amerika Jugore dhe Qendrore kryhej përmes anijeve të ngarkesave.
Sipas mediave italiane, shqiptari ka përfituar nga kjo sasi malli rreth 120 milion euro. Në përfundim të formaliteteve, shqiptari 42-vjeçar u arrestua për llogari të autoriteteve greke.
