Deputetja e Partisë Demokratike, Jozefina Topalli, në emisionin “Të pa ekspozuarit” ka deklaruar se PD po shkon drejt rrënimit dhe se lista që kryetari i kësaj partie ka hedhur në fushatë sipas saj është braktisur nga demokratët. Topalli ka akuzuar Bashën se ka hartuar një listë familjare dhe klienteliste. Kjo listë nuk ka kaluar asnjë nga strukturat e Partisë Demokratike.
“Lista e Partisë Demokratike është braktisur. Ajo që quhej Partia Demokratike është drejt rrënimit. Basha çdo vendim të marrë deri tani si për çadrën dhe për listat i ka vendime personale pa u konsultuar me askënd dhe pa marrë mendimin e askujt që është në pozicionet drejtuese të PD-së. Kjo nuk është lista e PD-së. Në këto zgjedhje nuk merr pjesë Partia Demokratike por merr pjesë vetëm Lulzim Basha. Në këtë listë është 70 % jashtë grupit parlamentar. Është një listë familjare dhe klienteliste. Kjo listë nuk ka kaluar asnjë nga strukturat e Partisë Demokratike”, tha Topalli.
