Kryetarja e Lëvizjes për Ndryshim, Jozefina Topallit shprehet e bindur partia e saj në këto zgjedhje do të jetë një faktor i rëndësishëm politik në formimin e qeverisë së ardhshme.
Ajo deklaroi se është e gatshme që të negociojë me PD-në pas zgjedhjeve, por jo me Bashën kryeministër.
Ndër të tjera, Topalli tha se nuk do të negociojë as me kryeministrin Edi Rama, apo me Presidentin Ilir Meta.
Jozefina Topalli: ”Unë besoj se nuk do më gaboj nuhatja politike, e di që vendimi që kemi marrë është një vendim i vështirë. Por kur ke vullnetin dhe përkushtimin dhe ia del. Në Dibër janë disa kandidatura, po flas për numrin e parë të listës, ajo është një politikane e lindur përballë Xhelal Mziut, dibranët janë të mençur. Besoj se do të marrim aq mandate se të bëhemi faktor. Mendoj që asnjëra prej palëve nuk mund të qeverisë e vetme, ne mund të jemi një faktor dhe pastaj i mbetet negociatat dhe më pas negociatat do të ishin me të djathtën, se ne jemi një lëvizje e djathtë dhe unë jam e djathtë.
Nuk përfytyrojë që të bëhet negociata për emra, ne negociojmë për të pasur një kryeministër të pakorruptuar për të krijuar një model të ri zgjedhjes. Nuk ka pse të jetë o Lulzim Basha, o Edi Rama apo Kryemadhi apo Meta, por nuk është kjo politika. Me Ramën kryeministër jo. Nuk negocioj. As Rama, as Basha, as Ilir Meta. Ne mund të gjejmë Mario Draghi tonë shqiptar, i pakorruptueshëm.”
