Ish-kryetarja e Kuvendit, Jozefina Topalli do të garojë në zgjedhjet parlamentare të 25 prillit me partinë e saj “Lëvizja për Ndryshim”.
Në ”Top Talk”, Topalli është përgjigjur shumë e prerë nëse do të kishte bashkim votash me ndonjë nga partitë kryesore.
Ajo tha se nuk do të ketë asnjë koalicion me Ilir Metën, Edi Ramën apo Lulzim Bashën.
Jozefina Topalli: “Lëvizja është kundër tre kryetarëve të korruptuar, votat do të shkojnë tek demokratët por as tek Ilir Meta, as Edi Rama, as Lulzim Basha. Heshtja e shumë njerëzve po përkthehet me votë. Ata kanë një vetëdije politike dhe dinë të mendojnë për familjen e njerëzit, duhet të lëvizim në dy drejtime e çdo forcë politike që janë kundër tre kryetarëve. Gjatë kësaj periudhë ka një fenomen, politika e mbylljes, e mos hapjes apo e përçarjes, por ne duhet ta ndryshojmë këtë”.
