Pandemia që ka prekur globin, ka sjellë ndryshime si në organizimin e punës, por edhe në ndryshimet e programacioneve. Edhe televizionet e kishin të pashmangshëm ndryshimin e rrjedhës së lajmeve dhe emisioneve.
Së fundmi, Top Channel ka vendosur që të mbyllë emisionin e Arbana Osmanit. Ka qenë vetë autorja dhe moderatorja e programit, e cila ka njoftuar këtë lajm për ndjekësit e saj, teksa bën me dije se emisioni i transmetuar në 21 mars do të jetë i fundit.
Edhe më herët, drejtuesja e programit ka njoftuar se dy episodet e fundit janë të regjistruara, për të qenë korrekt me rregullat e vendosura nga shteti shqiptar, dhe zbatuar me rigorozitet distancën.
