UEFA ka publikuar emrat e gjyqtarëve që do të vendosin drejtësi në sfidën e ditës së diel ndaj Francës, ku do të inaugurohet edhe stadiumi i ri Kombëtar.
Mësohet se gjyqtar në këtë përballje do të jetë slloveni Sllavko Vinçiç. Ky i fundit ka gjykuar në 15 nëntor të vitit 2011 miqësoren mes Maqedonisë dhe Shqipërisë, ndeshje e zhvilluar në Prilep. E cila përfundoi me rezultatin 0-0. Asokohe, Shqipëria udhëhiqej nga asistenti i Josip Kuzhes, Xhemal Mustedanagiç.
Mirëpo, ajo miqësore do të mbahet mend për thirrjet e vazhdueshme raciste anti-shqiptare të bëra nga tifozët e grupit “Majmunët”. Edhe pse veprimet raciste janë të ndaluara në futboll, arbitri slloven nuk mori asnjë masë për t’i ndaluar.
Në ndihmë të Vinçiç ditën e diel ndaj Francës do të jenë: Tomaz Klançnik dhe Andraz Kovaçiç.
