Vijojnë orët e panikut nga tërmetet që pasojnë njëri-tjetrin. Tërmeti 5.8 ballë është pësuar nga 28 lëkundje të tjera përgjatë natës dhe orëve të para të mëngjesit të sotëm.
Në orën 06:46 është shënuar një lëkundje me magnitudë 3.5 ballë, dhe me një thellësi 10 kilometra në qytetin e Durrësit.
Dje, në mbedhjen e Qeverisë të thirrur nga kryeministri Rama, Ministri i Brendshëm Sandër Lleshaj u shpreh se janë vënë rreth 2000 efektivë në shërbim të qytetarëve.
Lleshaj tha se është ofruar shërbim ndaj qytetarëve që kanë nevojë për asistencë të çfarëdo lloji. “Është ofruar shërbim ndaj qytetarëve që kanë nevojë për asistencë të çfarëdo lloji. Do vazhdojë gatishmëria e gjithë strukturave. Vlerësohet se dëmtimet janë të vogla, që nuk justifikojnë një gjendje paniku. Ne të gjithë jemi në këmbë. Të gjithë numrat e policisë janë në dispozicion. Janë rreth 2000 efektivë në terren”, u shpreh Lleshaj.
