Një tjetër skandal i rëndë ka ndodhur me të dhënat personale të shqiptarëve. Është fjala për një databazë me të dhënat e qytetarëve të punësuar në sektorin privat dhe publik, shoqëruar me kartat e tyre të identitetit, pozicionin e punës dhe rrogën që po shpërndahet në Whatsapp.
Nuk dihet se cili është burimi i daljes së kësaj liste, shkruan “Opinion.al”. Dalja e këtyre të dhënave vjen pas skandalit të patronazhistëve.
Kujtojmë këtu se shumica dërrmuese e “patronazhistëve” të Partisë Socialiste ishin të punësuar në administratën publike qendrore dhe vendore, përfshirë edhe të punësuar në institucionet që e kanë të ndaluar me ligj aktivitetin partiak, të tilla si Garda e Republikës, Forcat e Armatosura apo Policia e Shtetit. Që të gjithë në databazë kanë të drejtë votimi dhe janë banorë të qarkut Tiranë. Gjithsej rezultuan 9027 patronazhistë, ose afërsisht 1 për çdo 100 votues.
