Mbrëmjen e sotme në kryeqytet është gjetur një person i pajetë i shtrirë në trotuar më rrugën ‘Nikolla Tupe’.
Mësohet se viktima është Memli Begalla dhe është 64-vjeç.
Në trupin e viktimës është dalluar një shenjë, që dyshohet se mund të jetë shkaktuar nga qitja e një arme zjarri.
Ngjarja ka ndodhur rreth orës 20:30.
Policia po verifikon një makinë tip BMW që është parë pranë vend-ngjarjes.
Dyshohet se personi është qëlluar sapo ka dalë nga vetura e tij dhe autorët janë larguar me një BMW të zezë.
Nga policia konfirmohet se janë shoqëruar 5 persona.
