Aktori i njohur i humorit Gazmend Paja, ka mbetur i plagosur si pasojë e një aksidenti në Tiranë.
Sipas burimeve zyrtare, aksidenti ka ndodhur rreth orës 11:08, në “Rrugën e Kavajës”. Mjeti me drejtues shtetasin E. K., është përplasur me motomjetin që drejtohej nga aktori Gazmend Paja.
Për pasojë është dëmtuar drejtuesi i motomjetit, aktori i njohur i cili ndodhet në spital, nën kujdesin e mjekëve.
Grupi hetimor është në vendngjarje, dhe po punon për sqarimin e rrethanave të aksidentit.
