Kukësi ka pritur Tiranën në ndeshjen e radhës të kampionatit, me sfidën që është zhvilluar në stadiumin e “Kamzës” dhe ka përfunduar 0-1, me bardheblutë që kanë marrë tre pikë të rëndësishme për mbijetesën.
Pjesa e parë është mbyllur në barazim 0-0, teksa të dyja ekipet kanë pasur rastet përkatëse. Fillimisht është Tirana që provon me Asion Dajën, që në minutën e parë, ndërsa më pas është Kukësi që tenton me Korderon.
Minutat kalojnë dhe sfida bëhet më e nxehtë, teksa të dy ekipet shkojnë disa herë në portat respektive, por pa arritur të finalizojnë me sukses.
Kështu pa rrjeta të prekura, skuadrat shkojnë në pushim e pjesës së parë. Me rinisjen e të dytës, është Kukësi që duket më agresiv dhe kërkon të ndryshojë shifrat.
Kordero del disa herë para portierit kundërshtar, teksa në minutën e (53`) humb një mundësi të shkëlqyer për të shënuar.
Më pas është portieri i Kukësit që bën një pritje spektakolare, duke i mohuar golin Ngoos, që nuk arrin të përfitojë nga një sulm i shkëlqyer i bardhebluve. Ndërsa pak më vonë është Shkurtarj që humb një mundësi për të shënuar në portë e bardhebluve.
Ndeshja do të zhbllokohej tre minuta para përfundimit të kohës së rregullt, kur Dorian Kërçiku afrohet në zonën kundërshtare.
Gol doka 0-1 on Vidnews.
Ai pason në zonë por topi kthehet sërish jashtë zone, dhe sërish Kërçiku merr topin dhe tenton të gjuajë, por topi mbetet në zonë, aty ku Albi Doka gjendet i vetëm përballë portierit dhe shënon golin e fitores për Tiranën.
Pas këtij barazimi Tirana shkon në kuotën e 24 pikëve, duke mbetur në vendin e shtatë në renditje, teksa javën e ardhshme do të luajë kundër Luftëtarit.
Kukësi me pikën e sotme mbetet në vendin e dytë me 38 pikë. Javën e ardhshme skuadra verilindore do të përballet me me Teutën.
KUKËSI: Frashëri, Teqja, Krasniqi, Shameti, Cuculi, Rrumbullaku, Ethemi, Dzaria, Rroca, Kordeiro, Shkurtaj. Trajner: Armando Cungu
TIRANA: Abibi, Doka, Turtulli, Imami, Hoxhallari, Karabeci, Daja, Hasani, Greca, Ngo, Halili. Trajner: Ardian Mema
