Operatori i Shpërndarjes së Energjisë Elektrike, ka njoftuar banorët e Tiranës se shkëputja e energjisë ka ardhur si pasojë e kushteve atmosferike dhe mbitensionit. Në njoftimin në faqen zyrtare në Facebook, OSHEE bën me dije se situata i është rikthyer normalitetit.
“Si pasojë e kushteve atmosferike dhe mbitensionit, u stakuan në orën 20:26 dy linjat 110 kV të OST-së, të cilat furnizonin n/stacionet Kashar dhe Selitë. Kjo solli stakim te energjisë elektrike në disa zona si: Kashar, Selitë, Komuna e Parisit, pjesa e autostradës Tiranë – Vorë, Lapraka, Yzberishti, Unaza e Madhe, etj.
Nga ana e OST u moren masat, duke rikthyer energjine ne oren 20:38. Në Selitë, deri në orën 20:45 u rikthye energjia elektrike ne 82% te konsumatorëve.
Në orën 20:53 mori tension edhe pjesa tjetër e abonentëve.
Nga ky moment, të dy NST Selitë dhe Kashar janë në regjim normal pune, si nga ana 110 kV ashtu dhe nga pjesa 20 kV”.
