Klubi i Tiranës u shpall dje zyrtarisht kampione e Shqipërisë për të 25-ën herë.
Edhe pse pa tifozerinë e tyre, festimet e bardhebluve duket se kanë zgjatur deri vonë në orët e para të mëngjesit.
Futbollisti i Tiranës, Grent Halili, ka postuar një video thumbuese ndaj rivales së “përjetshme” të Tiranës, klubit të Partizanit.
Në videon e postuar në InstaStory, shihet një tifoz bardheblu me trofeun e titullit kampion, duke festuar teksa kalon autobusi i “Demave të Kuq”, tek sheshi “Nënë Tereza”. Ndërkohë, futbollisti ka vënë në sfond të videos këngën “We are the Champions”.
