Aktori e njëkohësisht moderatori Salsano Rrapi, ka pranuar publikisht se dhënia e intervistave nuk është se i ngjit shumë, ndaj është munduar që të qëndrojë strikt në këtë drejtim.
Mediat rozë tashmë zbulojnë çdo detaj nga jeta personale e nga karriera. Por Salsano ka ditur si të ruajë raportet e mira me median, duke i shpëtuar thumbimit.
I ftuar këtë mëngjes në “Rreze Dielli”, në Report Tv, Salsano zbuloi pse ka bërë këtë zgjedhje, duke qëndruar i heshtur në këtë drejtim.
“Në gjithë televizionet shqiptare, përveç Top Channel ku punoj, është hera e dytë që vi në Report Tv, dhe në asnjë vend tjetër, sepse nuk më pëlqen t’i them njerëzve gjërat e mira personale.
Natyrshmëria e një mëngjesi si me ju të dy në një televizion, është e rrallë. Madje kam pasur me gazetaret e kulturës, atë bëjnë në fillim se e mendojnë si fushën më të thjeshtë. Kemi bërë një debat të madh në Facebook, dhe ja kam ruajtur tabulatet. Më tha: ti e ke për detyrë të më japësh intervistë, se je personazh publik. Publiku do të dijë se ç’bën tjetri, kështu është raca njerëzore, por le të vdesë me kureshtjen”, tha më tej ai.
