Një ditë më parë është luajtur ndeshja mes Skënderbeut dhe Partizanit në Korçë, e cila përfundoi me rezultatin 3-2. Policia njofton se ka arrestuar një shtetas dhe ka proceduar penalisht një tjetër, pasi kryen veprime të dhunshme, duke thyer stolat gjatë zhvillimit të ndeshjes. Specialistët për Hetimin e Krimeve në Komisariatin e Policisë Korçë, bënë arrestimin në flagrancë të shtetasit me inicialet V. K., 54 vjeç, banues në Korçë. Si edhe filluan procedimin penal në gjendje të lirë ndaj shtetasit I. J., 17 vjeç, banues në Korçë.
Shtetasit në fjalë, gjatë ndeshjes së futbollit Skëndërbeu-Partizani, kanë kryer veprime të dhunshme duke thyer stolat e stadiumit “Skënderbeu” në Korçë. Jo vetëm kaq, por edhe kanë prishur qetësinë publike duke hedhur në fushë lëndë piroteknike.
Njoftimi i policisë:
“Policia e Shtetit, Korçë
Kryen veprime të dhunshme gjatë ndeshjes së futbollit Skëndërbeu-Partizani, zhvilluar ditën e djeshme në stadiumin “Skënderbeu”, arrestohet në flagrancë 1 shtetas si edhe procedohet penalisht 1 tjetër.
Specialistët për Hetimin e Krimeve në Komisariatin e Policisë Korçë, bënë arrestimin në flagrancë të shtetasit: V. K., 54 vjeç, banues në Korçë, si edhe filluan procedimin penal në gjendje të lirë ndaj shtetasit I. J., 17 vjeç, banues në Korçë.
Dy shtetasit e mësipërm, gjatë ndeshjes së futbollit Skëndërbeu-Partizani, zhvilluar ditën e djeshme, kanë kryer veprime të dhunshme duke thyer stolat e stadiumit “Skënderbeu” në Korçë, si dhe kanë prishur qetësinë publike duke hedhur në fushë lëndë piroteknike.
Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme”.
