Një i ri, rreth të 30-tave, në SHBA, mendonte se koronavirusi është një mashtrim dhe thuhet se ai u infektua qëllimisht në një nga të ashtuquajturat “festa COVID”.
Organizime të tilla kanë nisur që të mbahen në vende të ndryshme në SHBA, ndërsa njerëzit rrezikojnë jetën për të parë nëse koronavirusi është i vërtetë apo jo.
Këto lloj festash absurde organizohen nga dikush që është diagnostikuar me COVID-19 dhe në to marrin pjesë persona të shëndetshëm për të parë nëse mund ta marrin virusin.
Ndërkohë i riu në fjalë, e ka pësuar shumë keq!
Raportohet se ai u sëmur rëndë dhe më pas ndërroi jetë në Spitalin Methodist Healthcare në San Antonio, Teksas.
Dr. Jane Appleby, drejtuesja e spitalit ku ai mori kujdes shëndetësor tha se fjalët e fundit të pacientit ishin: “Kam bërë gabim. Mendova se ishte mashtrim, por nuk është”.
