Një qytetar është dhunuar e situata është agravuar më tej, pasi gjatë konferenës së presidentit Thaçi ai tha ‘o hajna’. Kaq ka mjaftuar, që menjëherë trupa që merr në mbrojtje presidentin Hashim Thaçi, të hidhej në veprim, e të mos përmbaheshin duke e dhunuar.
Ky incident faktohet edhe përmes këtyre pamjeve filmike, të cilat kanë bërë xhiron e rrjeteve sociale. Këto pamje dëshmojnë një akt të turpshëm dhe të rëndë, e ndërsa badigardët e Thaçit sillen keq edhe me kalimtarët të cilët po filmonin rastin në fjalë.
Truprojet e Hashim Thaçit dhunojne dhe terheqin zvarre nje qytetare qe bertiste “o hajna o hajna”Shperndajeni ,dhe mos harroni te beni like faqes tone…
Publiée par Sprint.al sur Mercredi 3 juin 2020
Por si u agravua situata? Kur Thaçi po fliste jashtë rrethimit të oborrit të Kuvendit të Kosovës, një aktivist, Veron Hasani, thirri me zë të lartë “o hajna”. Kjo tërhoqi vëmendjen e të gjithëve, dhe truprojat e presidentit nuk e lanë me kaq. Ata kapërcyen gardhin dhe e kanë neutralizuar menjëherë të riun. Thaçi po fliste pas përzgjedhjes së kryeministrit të ri, Avdullah Hoti.
Dje, Parlamenti në Kosovë voti qeverinë e re të kryesuar nga Avdullah Hoti i LDK-së, me 61 vota. Për qeverinë e re të Kosovës votuan 61 deputetë “Pro”, 24 “Kundër” dhe 1 “Abstenim”.
Presidenti i Kosovës, Hashim Thaçi, ka uruar Qeverinë Hoti pas votimit të saj në Kuvendin e Kosovës.
Përveçse i uron suksese në përmbushjen e programit qeverisës, ai gjithashtu është shprehur se ofron bashkëpunim të plotë në jetësimin e agjendës kombëtare dhe ndërkombëtare.
