Durrësi ndodhet nën rrënoja, pas tërmetit që shkatërroi vendin. Tërmeti i fortë me magnitudë 6.4 të shkallës Rihter goditi vendin në orën 03:55 minuta të mëngjesit të sotëm.
Epiqendra ka qenë në Shijak, 10 kilometra nga Durrësi, dhe 31 kilometra nga Tirana. Lëkundjet ishin shumë të forta, sa rrëzuan pallate dhe banesa.
Deri më tani raportohet për 15 viktima dhe mbi 600 të plagosur. Nga ana tjetër, Kosova po solidarizohet me Shqipërinë për situatën ku ndodhet vendi.
Grupi i emergjencës në Durrës ka ngritur çadrat, për personat të cilëve u rrezikohet t’u shemben shtëpitë.
Ndërkohë që grupet e kërkim-shpëtimit në Thumanë dhe Durrës, vijojnë punën për të shpëtuar sa më tepër jetë.
