Kreu i Shtetit, Ilir Meta, ka pritur sot në një takim ekipin e Izraelit, të cilët ndihmuan në vlerësimin për shtëpitë dhe banesat e dëmtuara nga tërmeti i 26 nëntorit. Presidenti Meta i ka shprehur mirënjohje të thellë Izraelit, si dhe ekspertëve të tij ushtarakë.
Teksa ka shpërndarë disa foto me ekipin e specialistëve izraelitë, ai shprehet thellësisht mirënjohës për ndihmën e madhe që ata po japin.
“I nderuar të prisja sot ekipin izraelit, që i erdhi në ndihmë qytetarëve tanë, duke vlerësuar dhe këshilluar për shtëpitë dhe ndërtesat e dëmtuara nga tërmeti. Thellësisht mirënjohës Izraelit dhe ekspertëve të tij ushtarakë! Shalom!”.
