Presidenti Thaçi sapo ka zbritur në Aeroportin e Rinasit, në Shqipëri, dhe është nisur drejt Kosovës, pa dhënë asnjë deklaratë.
Burimet për media bëjnë me dije se është duke u përgatitur një tubim, për t’i uruar mirëseardhjen presidentit Thaçi, në pikën kufitare në Morinë, në orën 19:30.
Po kështu është bërë thirrje që qytetarët që marrin pjesë në këtë tubim, të kenë flamurin e maskën me vete, duke mbajtur distancë.
“Unë nuk kam bërë asnjë lloj krimi. Tani i mbetet drejtësisë të vendosë paanshëm”, ka thënë Thaçi mbrëmë, pasi ka kryer intervistimin në Hagë.
Dje ka përfunduar intervistimi i Thaçit në Zyrën e Prokurorit të Specializuar në Hagë.
Ai është intervistuar për katër ditë radhazi, ndërsa ka thënë që lufta e popullit tonë ishte e drejtë.
