Presidenti Hashim Thaçi ka përgëzuar deputetët e Kuvendit të Kosovës, për votimin e qeverisë së re. Në një postimi në Facebook, ai ka shkruar se kjo është një ditë e rëndësishme për demokracinë dhe për qytetarët e vendit.
Thaçi i ka uruar suksese qeverisë së re, në përmbushjen e programit qeverisës. Deputetët e Kuvendit të Kosovës kanë votuar me 61 vota qeverinë e re të Kosovës, të drejtuar nga Avdullah Hoti i LDK-së.
Kundër qeverisë së re kanë votuar 24 deputetë.
Statusi
I përgëzoj deputetët e Kuvendit të Republikës së Kosovës për votimin e Qeverisë së re. Kjo është një ditë e rëndësishme për demokracinë tonë dhe për qytetarët e vendit. Qeverisë së re i uroj sukses në përmbushjen e programit qeverisës dhe i ofroj bashkëpunim të plotë në jetësimin e agjendës kombëtare dhe ndërkombëtare.
Me bashkëpunim dhe koordinim ndërinstitucional mund ta rimëkëmbim ekonominë tonë dhe të lëvizim me hapa më të shpejtë drejt integrimit euroatlantik, duke e fuqizuar partneritetin me SHBA-në dhe me të gjitha shtetet mike. HTH.
