Presidenti i Kosovës, Hashim Thaçi zhvilloi një konferencë me mediat pas takimit me të dërguarin e Bashkimit Evropian për dialogun Kosovë-Serbi, Miroslav Lajçak.
Thaçi u shpreh se mundësinë e arritjes së një marrëveshjeje finale mes Kosovës dhe Serbisë që do të nënkuptonte njohjen reciproke.
Sipas tij, BE-ja duhet të vendosë në tavolinën e bisedimeve marrëveshjen për njohje reciproke.
Hashim Thaçi: “Përfundova një takim me të dërguarin e BE-së për dialogun Kosovë-Serbi, Miroslav Lajçak. Mund të them se takimi në përgjithësi ka qenë një takim korrekt konstruktiv, një bisedë e hapur dhe miqësore në drejtimin e gjetjes së mundësive për arritjen e marrëveshjes finale mes Kosovës dhe Serbisë, që do të nënkuptonte njohjen reciproke si dy shtete të pavarura dhe me mundësinë që Kosova të anëtarësohet në OKB.
Unë vazhdoj të besoj fuqishëm që e ardhmja e Kosovës është të jetë pjesë e NATO-s dhe BE-së. Gjithashtu, besoj fuqishëm që ka ardhur momenti që BE-ja të hedhë në tavolinë marrëveshjen për njohjen reciproke dhe jo të vazhdojë me dialog teknik”.
https://www.facebook.com/HashimThaciOfficial/videos/1678941578948708/