Avokati Spartak Ngjela, i ftuar në emisionin ‘Open’ ka reaguar në lidhje me deklaratën që presidenti Meta bëri ditën e djeshme, teksa tha se për të mos lejuar instalimin e një junte ushtarake ishte i gatshëm të sakrifikonte edhe jetën.
Sipas Ngjelës, Presidenti nuk shpëton dot, pasi e kap reforma në drejtësi, prandaj ‘është mirë të gjejë një avokat’.
“Metën e kap reforma në drejtësi nuk shpëton dot. Po përpiqet të krijojë destabilitet.
Meta nuk bën dot amulli pasi Parlamenti ka bërë dy të tretat që i pranon edhe politika e lartë perëndimore.
Erdhi në politikë me kostum turk e me sandale. Është mirë të gjejnë avokat”, deklaroi Ngjela.
Gjithashtu, avokati shprehet se do të kemi një qeveri teknike sapo të bëhet reforma në drejtësi.
“E dëgjove ambasadoren amerikane sot? T’i qëndrojmë asaj. Sapo të bëhet reforma në drejtësi do të kemi një qeveri teknike të mbështetur nga Perëndimorët” shtoi Ngjela.
