E diel, 20 Qershor, 2021
32 C
Tirana

Teuta e nis sezonin me trofe, fiton Superkupën e Shqipërisë ndaj Tiranës

Teuta është fituese e Superkupës së Shqipërisë, pasi mposhti kampionët e Tiranës në ndeshjen e zhvilluar në “Elbasan Arena”.

Skuadra e drejtuar nga Edi Martini dominoi pjesën më të madhe të ndeshjes, ndërsa heroi i durrsakëve ishte Hebaj, i cili realizoi dy gola dhe i dha Teutës trofeun e parë të Superkupës.

Pjesa e parë ishte e gjitha për skuadrën durrsake, e cila arriti të shënojë dy herë me anë të shkodranit Rubin Hebaj.

Goli i parë erdhi pas një gabimi të portierit të Tiranës, Lika, i cili nuk arriti të zotëronte si duhet një goditje nga distanca, ndërsa më pas përfitoi mbrojtësi durrsak, i cili goditi saktë drejt portës.

Më pas, Teuta vijoi të jetë më kërkuese, ndërsa Tirana hasi vështirësi për të çarë mbrojtjen e skuadrës së drejtuar nga Martini.

Ishte minuta e 33-të kur Teuta fitoi një 11-metërsh, të cilën portieri Lika e priti, por topi i kthyer shkoi sërish te Hebaj, i cili shënoi edhe golin e dytë.

Ndërkohë, pjesa e dytë nisi ndryshe, me Tiranën që u hodh në sulm në kërkim të golit.

Në minutën e 64-t, kapiteni Arapi e la Teutën me një lojtar më pak, pasi u ndëshkua me kartonin e dytë të verdhë, ndërsa në minutën e 75-të Tirana gjeti edhe golin me të riun Jurgen Vrapi, por vetëm kaq. Edhe pse me një lojtar më pak, Teuta arriti të mbrohet në minutat e mbetura, duke e nisur këtë sezon me trofeun e Superkupës së Shqipërisë, shkruan “A2”.

- Reklama -

Më shumë nga kategoria




Të fundit

MotoGP/ Mark Markez ‘mund’ dëmtimin në shpatull, fiton pas 1 viti e gjysmë

Sachsenring vazhdon të jetë ‘Marquezring’: Marc Marquez kthehet të fitojë pas një viti e gjysmë dhe e bën këtë në një nga pistat e...

Izraeli kritikon zgjedhjen e “Xhelatit të Teheranit” si president i ri i Iranit

Tel Aviv (Dpa) - Kryeministri izraelit kritikoi sot zgjedhjen në Iran të shefit të gjyqësorit Ebrahim Raisi si presidenti i ardhshëm i vendit. "Zgjedhja e...

NBA/ E ëma e yllit të Bruklinit shkëmben fjalë dashurie me markuesin e djalit

Një histori interesante është zhvilluar gjatë këtij play-off-i në NBA, në përballjet mes Brooklyn Nets dhe Milwaukee Bucks. Është PJ Tucker që i është...

Dita ndërkombëtare e emigrantëve, 20 qershori. OKB: 82 milionë kanë emigruar

Më 20 qershor është Dita Botërore e Refugjatëve. Sipas raportit të fundit të OKB-së, më shumë se 82 milionë njerëz janë zhvendosur, megjithë mbylljen...

Rama flet në France 24 për negociatat, vaksinat, turizmin dhe patronazhistët

“Shqipëria shpreson për hapjen zyrtare të negociatave të pranimit të vendit në Bashkimin Evropian, në fund të qershorit, negociata të cilat janë bllokuar prej...