Kompania ‘Airbus’ ka testuar me sukses ngritjen në fluturim në mënyrë automatike të një avioni në aeroportin e Tuluzës në Francë.
Sipas mediave të huaja, avioni A350-1000 bëri 8 ngritje ngritje automatike në një periudhë prej katër orësh e gjysmë, falë teknologjisë së re të njohjes së imazhit të instaluar në të.
Ndërkohë kompania ka deklaruar se më vonë gjatë këtij viti do të bëhen edhe teste për uljen automatike të tyre.
Ideja e avionëve tërësisht automatikë, është hedhur prej dekadash ndërkohë që një sondazh i kryer në 2019, ka arritur në përfundimin se 70 për qind e 22 mijë udhëtarëve janë të gatshëm të fluturojnë në një avion tërësisht automatik.
Sidoqoftë, incidente si ato të Boeing 737 max ngrenë pikëpyetje për çështjet e sigurisë në avionët plotësisht automatikë. Sidoqoftë, pavarësisht testimeve të suksesshme, mund të mos ketë asnjëherë një avion tërësisht automatik, pasi qëllimi nuk ka qenë asnjëherë ai i zëvendësimit të pilotëve.
