Ministria e Shëndetësisë bën me dije se vijon të mos ketë asnjë rast infektimi me koronavirus në Shqipëri.
Përmes një deklarate për mediat, drejtuesja e Shërbimit të Inteligjencës Epidemiologjike, Eugena Tomini deklaroi se 3 rastet e testuara ditën e djeshme kanë rezultuar negative.
“Gjatë ditës së djeshme janë testuar tre raste, të cilët kanë rezultuar negativë. Nga survejanca e shtuar në pikat kufitare, po monitorohen të gjithë udhëtarët. Ministria rekomandon për udhëtarët, që vijnë nga rajonet e prekura, të vetëkarantinohen për 14 ditë”, tha ajo.
