Policia ka proceduar penalisht shtetasin me inicialet Gj.D, 50-vjeç, banues në Lezhë, pasi ka publikuar në rrjetet sociale foto armësh, duke bërë thirrje publike për veprime të dhunshme për protestën.
“Publikon foto armësh, duke bërë thirrje publike për veprime të dhunshme për protestën, proçedohet nga policia. Specialistët e Seksionit për hetimin dhe parandalimin e krimeve në Komisariatin e Policisë Lezhë, proçeduan penalisht shtetasin Gj.D. 50-vjeç, banues në Lezhë për veprën penale ” Thirrje pët veprime të dhunshme”.
Ky shtetas, në rrjetet e tij sociale, para protestës së zhvilluar dje, ka postuar foto armësh e municionesh duke i shoqëruar me thirrje publike për veprime të dhunshme”, bën me dije policia.
Materialet proçedurale u referuan Prokurorisë pranë Gjykatës Shkallës Parë Lezhë, për veprime të mëtejshme.
