Një situatë e tensionuar po ndodh pranë gjimnazit “Petro Nini Luarasi”, ku është tentuar të prishen dy banesa nga IMT.
Dy familje kanë kundërshtuar largimin e tyre nga banesa, duke u shtrirë në rrugë në shenjë proteste. Madje, një nga banorët ka hyrë brenda në shtëpi për të mos lejuar shembjen e saj.
Nga banorët mësohet se ata janë në konflikt me një firmë ndërtimi, e cika ka fituar procesin gjyqësor, i cili ka nisur 22 vite më parë.
Në këto dy banesa jetojnë 15 persona, të cilët thonë se pronat i kanë blerë nga shteti dhe i kanë të legalizuara. Në vendngjarje ka mbërritur edhe ambulanca e cila ka marrë një grua, që ndodhej në gjendje jo të mirë shëndetësore.
Forcat të shumta policie ndodhen pranë banesave, ndërsa familjarët janë përplasur me ta duke rezistuar dhe kundërshtuar prishjen e banesave.
