Update- Burime zyrtare nga ana e policisë, kanë përcjellë detaje të reja lidhur me ngjarjen në Elbasan, ku mbetën të plagosur dy persona.
Shtetasja me inicialet F. Zh., ka patur një konflikt me bashkëshortin e saj, shtetasin Lefter Zhidru, 71 vjeç, i cili në momentin që ka shkuar policia, është futur në banesë dhe ka qëlluar dhe vijon të qëllojë me armë zjarri.
Si pasojë e të shtënave janë plagosur, jashtë rrezikut për jetën dy shtetas, L. S., 22 vjeç dhe A. K., 21 vjeç, kalimtarë të rastit, në momentin që ky shtetas ka filluar të qëllonte me armë në drejtim të policisë.
Shtetasi Lefter Zhidru vijon të qëllojë me armë, duke bërë rezistencë edhe pas thirrjeve të pandërprera të policisë.
Njoftimi
Elbasan/Informacion paraprak
Më datë 24.09.2020, rreth orës 13:20, në lagjen “11 Nëntori”, Elbasan shtetasja F. Zh., ka patur një konflikt me bashkëshortin e saj, shtetasin Lefter Zhidru, 71 vjeç, i cili në momentin që ka shkuar Policia është futur në banesë dhe ka qëlluar dhe vijon të qëllojë me armë zjarri kallash në drejtim të forcave të Policisë.
Forcat Shqiponja dhe Patrullat e Përgjithshme janë pozicionuar dhe kanë vendosur perimetrin e sigurisë dhe vijojnë t’i bëjnë thirrje këtij shtetasi të dorëzohet, i cili vijon të bëjë rezistencë duke qëlluar vazhdimisht në drejtim të Policisë.
Si pasojë e të shtënave janë plagosur jashtë rrezikut për jetën dy shtetas, L. S., 22 vjeç dhe A. K., 21 vjeç, kalimtarë të rastit, në momentin që ky shtetas ka filluar të qëllonte me armë në drejtim të Policisë.
Në ndihmë të Policisë lokale janë nisur menjëherë forcat e FNSH dhe të RENEA-s, për të bërë neutralizimin dhe kapjen e shtetasit që vijon të qëllojë me armë në drejtim të Policisë.
Shtetasi Lefter Zhidru vijon të qëllojë me armë duke bërë rezistencë edhe pas thirrjeve të pandërprera të Policisë.
Banesa nga e cila po qëllon ky shtetas është e rrethuar dhe Policia ka vendosur një perimetër të gjerë rrethimi, për të parandaluar dëmtimin e kalimtarëve të tjerë të rastit.
Terror në Elbasan/ Qytetari qëllon policinë, plagos dy kalimtarë
Ora 14:00 – Një person i armatosur në Elbasan është përgjigjur me armë zjarri ndaj Policisë së Shtetit. Efektivët e Policisë së Shtetit kanë rrethuar banesën ku ndodhet autori, ndërsa banorët janë larguar me shpejtësi nga vendngjarja.
Si pasojë e të shtënave, janë plagosur jashtë rrezikut për jetën dy kalimtarë të rastit, në momentet e para kur ka filluar të qëllonte personi në drejtim të policisë. Këto janë të dhëna paraprake nga ana e policisë.
Forcat e policisë kanë vendosur menjëherë perimetrin e sigurisë, dhe vijojnë ti bëjnë thirrje agresorit të dorëzohet. Burimet bëjnë me dije se personi në fjalë, vijon të qëllojë me armë dhe po bën rezistencë.
“Personi vijon të qëllojë me armë, po bën rezistencë. Banesa është rrethuar nga Forcat Shqiponja dhe në ndihmë po mbërrijnë RENEA dhe FNSH”, njofton policia.
