Sot presidenti Meta garantoi se do të qëndrojë në Presidencë deri në fund të mandatit, dhe se nuk do të jap dorëheqjen, pavarësisht nismës së PS-së për ta shkarkuar.
Meta “dorëzohet”: Unë s’pyes as për italianë, amerikanë apo kinezë. Këtu vendos unë!
Situata e tensionuar politike ka dhënë shenjat e para edhe nëpër burgje. Gjatë ditëve të fundit, nëpër burgje është duke u ushtruar presion që të gjithë të burgosurit të votojnë.
Në të gjitha burgjet shqiptare u është kërkuar të dënuarve që nëse nuk votojnë, atëherë do të firmosin një deklaratë që nuk marrin pjesë në votime, bëjnë me dije burime për gazetën “Mapo”. Të burgosurve u është thënë se ata të cilët firmosin deklaratën që nuk do votojnë, atëherë ta harrojnë se do të marrin leje, apo dokument për sjellje të mirë.
Vlen të theksohet fakti se Kushtetuta e Shqipërisë nuk parashikon në asnjë nen të saj, që votimi është i detyruar. Po të njëjtat burime shtojnë se situatë e rënduar është në burgun e Fierit, ku disa prej të dënuarve nuk kanë pranuar të firmosin letrën që nuk do të votojnë. Drejtuesit e të gjitha burgjeve kanë marrë urdhër të qartë, që të dënuarit duhet të votojnë të gjithë.
Po gjatë ditës së sotme, kryeministri Edi Rama “parashikoi” vijueshmërinë e krizës politike, duke ironizuar kryetaren e LSI, Monika Kryemadhi, teksa interpretonte filxhanin e kafesë.
Gjatë një takimi elektoral me banorë të njësisë nr.2 në Tiranë, Rama tha se në filxhanin e tij të kafesë, shikon dy rrugë që në fund dalin për mirë, po ashtu një “I” që mbetet pas dhe se dy numrat 8 dhe 2 në fund bashkohen.
Rama sheh filxhanin para banorëve: Janë dy rrugë, është një ‘I’ me kokë lartë e pikë poshtë
