Pamjet të cilat na janë servirur gjatë këtyre orëve, janë të ngjashme me ato të një beteje lufte. Si pasojë e tërmetit, deri tani raportohet për 15 viktima, shumë të tjerë janë nën rrënoja, ndërsa në spitale kanë marrë ndihmë mjekësore rreth 600 persona.
Forcat e emergjencës civile në Kosovë kanë mbërritur në Durrës, ku ka nisur puna për nxjerrjen e personave që gjenden ende nën rrënoja.
Forca të shumta i kanë ardhur në ndihmë forcave të shpëtimit në Shqipëri, për situatën e krijuar. Ata janë të pajisur me një aparaturë termike, që kalon nëpër shtresat e betonit, dhe shënjestron nxehtësinë.
Kjo për të kuptuar nxehtësinë e trupit. Ushtarët e Kosovës janë të mirëpërgatitur, e ndërsa kanë nisur punën për gjetjen e personave të cilët ndodhen nën gërmadha.
