Festat e fundvitit karakterizohen jo vetëm nga kthimi i emigrantëve në vend por edhe nga numri i lartë i turistëve që zgjedhin të kalojnë Krishtlindjet dhe Vitin e Ri në Shqipëri. Por, ky vit pritet të jetë më ndryshe. Shkaku kryesor mbetet tërmeti i datës 26 nëntor.
Ashtu siç shprehet dhe përfaqësuesi i Shoqatës së Turooperatorëve, një pjesë e mirë e prenotimeve për festat e fundvitit në Shqipëri janë anuluar. Sipas tij, frika e tërmetit ka pasur një impakt të madh në turizëm dhe kjo do të reflektohet edhe në ekonomi. Sipas shoqatës, këtë vit pothuajse nuk ka asnjë organizim apo prenotim nga të huajt.
“Shqipëria në tre katër vitet e fundit është preferuar nga të huajt për organizimin e Vitit të Ri, por pas tërmetit si agjenci kemi pasur anulime”, u shpreh përfaqësuesi i Shoqatës së Turoperatorëve Besnik Vathi.
