Kroacia u godit nga një tërmet i fuqishëm, ku shkaktoi 7 viktima, dhjetëra të plagosur dhe dëme të konsiderueshme materiale. Pak çaste më parë ka reaguar kryeministri Rama, i cili ka bërë publik vendimin që ka marrë qeveria shqiptare, për t’i shkuar në ndihmë Kroacisë në këto momente të vështira që po kalon.
“Sapo nënshkrova dekretin e Qeverisë së Shqipërisë për të dhuruar 250 mijë EURO Kroacisë, për të ndihmuar në rindërtimin e Petrinjas pas tërmetit shkatërrues!
Kroacia është një shembull i rezistencës, dhe një model për ne në transformimin e saj të mahnitshëm në një vend krenar të BE-së”, shkruan Rama.
