Këshilltari për Ekonominë në PD, Dorian Teliti, ka komentuar situatën e krijuar pas tërmetit të 26 nëntorit që tronditi vendin.
I ftuar në emisionin “Tempora” në Ora News, Teliti u shpreh se ekipet shqiptare të shpëtimit u përballën me pasojat e tërmetit pa mjetet dhe përvojën e duhur.
Sipas tij, nëse ata do kishin mjetet dhe përvojën e duhur, disa jetë mund të ishin shpëtuar. Teliti theksoi se tërmeti prej 6.4 ballësh ishte plagosës por jo vrastar.
“Nuk kanë qenë të përgatitura strukturat nga pjesa vizuale dhe jo më nga pjesa e përgatitjes. Përveç faktit që nuk kishin kapele, maska, mjete ata edhe vetë nuk ishin trajnuar se çfarë të bënin.
Bazuar në informacionet e terrenit, në orët e para njerëzit maksimumi që mund të bënin ishte të lëviznin me duart e tyre me një instinkt të tyre personal pa trajnim e duhur atë çfarë duhet të bënin në realitet. Dhe kur erdhën trupat e Kosovës, Greqisë, fatmirësisht erdhën trupa profesionale, aty u pa më pas se cila ishte puna që duhet të bënim.
Mirë që nuk kishim vegla, fatkeqësi e madhe, mirë që nuk kishim mjete por nuk kishim as njohuritë bazë se çfarë duhet të bënim. Fatkeqëisht kemi konstatuar, nuk dua ta them me siguri të polotë, se disa jetë edhe mund të ishin shpëtuar nga ato që u humbën. Tërmeti ishte shumë plagosës por nuk ishte vrastar. Ky tërmet duhet të dëmtonte godinat por nuk duhet të rrafshonte godinat. Ajo që ka ndodhur është në sajë të neglizhencës 30 vjeçare”, tha ai.
