Shumë nga të vrarët dhe të plagosurit në një tërmet të madh në ishullin indonezian Java ishin fëmijë, thonë ekipet e shpëtimit, ndërsa numri i të vdekurve ka shkuar në 268.
Aprizal Mulyadi, 14 vjeç, ishte në shkollë kur goditi tërmeti, duke thënë se ai ishte bllokuar pasi “dhoma u shemb dhe këmbët e mia ishin nën rrënoja”. Ai tha se u tërhoq nga miku i tij Zulfikar, i cili më vonë vdiq pasi vetë u bllokua.
Më shumë se 1000 njerëz u plagosën, thonë zyrtarët. Në njoftimet e saj të fundit të martën, Agjencia Kombëtare e Zbutjes së Fatkeqësive (BNPB) shtoi se 151 persona ishin ende të zhdukur.
22.000 shtëpi ishin dëmtuar dhe se më shumë se 58.000 njerëz ishin strehuar në disa lokacione në rajon. Tërmeti me magnitudë 5.6 goditi një rajon malor të hënën, duke shkaktuar rrëshqitje dheu që bllokuan fshatra të tëra pranë qytetit Cianjur të Java-së Perëndimore.
Viktimat u shtypën ose u bllokuan pasi muret dhe çatitë u rrëzuan. “Gjithçka ndodhi kaq shpejt”, tha Aprizal për agjencinë e lajmeve AFP.
Një përfaqësues i Agjencisë Kombëtare të Kërkimit dhe Shpëtimit konfirmoi gjithashtu se shumë nga të vdekurit ishin të rinj.
“Shumica e viktimave janë fëmijë, sepse në orën 13:00, ata ishin ende në shkollë”, tha Henri Alfiandi. Tërmeti, i cili goditi në një thellësi të cekët prej 10 km (gjashtë milje), u pasua nga dhjetëra pasgoditje që shkaktuan më shumë dëme, pasi u shembën shtëpitë e ndërtuara keq.
Burimi i lajmit: BBC. Përshtatur nga Tirana Today
