SPAK ka lëshuar urdhër arrest për Aleksandër Lahon, i njohur ndryshe si “Rrumi” i Sukthit. Bëhet me dije se urdhër-arresti për Lahon u lëshua pas akuzave për “korrupsion”, dhe “tjetërsim” të pronave në zonën e Gjirit të Lalzit.
Dyshohet se nëpërmjet korrupsionit, Laho të ketë përvetësuar dhe përfituar nga grupet kriminale në mënyrë të paligjshme një sipërfaqe toke për rreth 45 mijë metra katrorë.
“Rrumi” është një personazh shumë i përfolur për lidhjet e tij me botën e krimit, ndërkohë që emri i tij u përmend edhe gjatë atentatit ndaj prokurorit Arjan Ndoji.
I njohur me nofkën “Rrumi”, ai nuk është emër i panjohur për policinë, por edhe publikun. Në 2019-n, ai mbeti i plagosur në atentatin ndaj prokurorit Arjan Ndoj, ngjarje e ndodhur më 1 nëntor pranë mbikalimit të Shkozetit.
Nuk dihet nëse Laho ndodhet brenda apo jashtë Shqipërisë, duke qenë se ai ka edhe disa identitete të cilat i ka ndryshuar.
